قصيدة ‘المال والشرف’



مرّا الشرف والمال بالصدفة التقو
وكل منهم صار يفرض منطقو
قال الشرف يا مال من طهري استحي
منيح التقينا تا ضميرك احرقو
اسمي الشرف فيي الطهارة محصّني
وناس حُرة بثوب عفة مزيّني
ما في ولا دين بيركب بدون الشرف
بدوني انا ما في كرامة بتنبني
لكن انت يا مال قلّي شو العمل
جرح الحروب بفضلك منقط عمل
بتهدم دول بتهد عرش اللي انبنى
ونفوس حرة تحت ارض بتندمل
قلو المال بجاوبك بحني الروؤس
فيي الغوى وعا سيرتي بتضعف نفوس
واقع صرت بالناس هيدي قيمتي
ومافي دروب بتنمشى بدون الفلوس
قلّو بدوني يا شرف ما بتنعرف
وكلمة شرف بحساب مين بتنصرف
من دون مال بخزنتو وعز وترف
الإنسان عا مصب المنية بينجرف
بقاموسنا كلمة شرف مالا وجود
ومافي شريف بها الدني ولا في شرف
الشاعر: قاسم هاشم

مصدر الخبر : https://ift.tt/2NnezzO


سيدات الامارات

Post a Comment

0 Comments