رانيا يوسف: تم استغلال اسمي بفيديوهات خالد يوسف!



كشفت الفنانة رانيا يوسف عن عمرها الحقيقي، موضحة أنها تبلغ 45 عاما، ولا تخجل من ذكر عمرها لأنها تعتبر ذلك مجرد رقم فقط، وقالت: «أنا مش محتاجة ألفت الأنظار، هو 45 سنة ده يعتبر كبرت، العمر ده مجرد رقم لأن المهم إنتي شايفة نفسك عمرك كام، والناس شايفينك إزاي، يعني أنا شايفة نفسي عمري 35 سنة»، معربة عن استيائها الشديد من شائعة تورطها في فيديوهات المخرج خالد يوسف، مضيفه أنه تم استغلال اسمها في هذه القضية بسبب شهرتها، ولكي يحقق الفيديو أعلى انتشار.

وأضافت رانيا في تصريحات تلفزيونية: «مؤخرا اتضايقت عشان اسمي ارتبط بشخص وفيلم أنا مليش أي علاقة بيه، لأن ده حرام ومش حقيقي، واتظلمت جامد جدا لأنهم مجرد حطوا اسمي على الفيلم عشان تريند، وده عشان الفيلم يتشاف»، مشيرة إلى أنها تختار أدوارها بانتقائية ودقة شديدة، حفاظا على ما قدمته من أعمال ناجحة، مكملة: «أنا شغلي قل جدا الفترة دي، وأنا اكتر واحدة بترفض أعمال، لأني بختار بدقة عشان وصلت لمرحلة ما ينفعش أقدم فيها أي حاجة، لازم أكون دقيقة في اختياراتي، خاصة بعد نجاح مسلسلات أهل كايرو والسبع وصايا وكأنه إمبارح».

وقالت إنها لا تعتبر نفسها ترتدي ملابس مبتذلة، أو عارية بشكل مبالغ فيه، مضيفة: «العري نسبي من مجتمع إلى آخر ومن عقلية إلى أخرى، وأنا براعي حدودي كويس أوي من خلال التركيز في اختيار الملابس المناسبة للمكان الذي سأذهب إليه، يعني لما بسافر بلبس بكيني وشورت براحتي».



http://bit.ly/2VajYt6


Post a Comment

0 Comments